Оваа година Форма Нова гордо слави 17 години постоење – 17 години труд, посветеност и инспирација на македонскиот пазар. Основана во 2008 година како член на ТЕХА ДОО Групација Тетово, Форма Нова започна со јасна визија: да ги приближи светските трендови во ентериерното уредување до македонските домови, нудејќи модерен дизајн по пристапни цени.
Од тогаш до денес, компанијата постојано расте и се развива. Денес, Форма Нова брои над 10.000 м² изложбен простор во најголемите градови во Македонија – Скопје, Тетово, Куманово, Штип и Прилеп – и повеќе од 100 вработени професионалци кои секојдневно се грижат за потребите на клиентите и создаваат нови вредности во уредувањето на домот.
Наш стратешки партнер Forma Ideale од Крагујевац е со нас од самиот почеток – веќе 17 години успешно соработуваме и заедно ги носиме најдобрите решенија за секој дом. Со текот на годините, голем број партнери од регионот станаа дел од нашата приказна, збогатувајќи ги салоните на Форма Нова со производи кои се препознатливи по квалитет, стил и функционалност.
Континуитетот е наш императив, а довербата на клиентите е најголемото признание. Денес, со гордост можеме да кажеме дека Форма Нова прерасна во институција на македонскиот пазар – место каде што модерниот дизајн, одличниот квалитет и пристапните цени се спојуваат за да создадат убавина и хармонија во секој дом.
Во изминатата година, Форма Нова го направи следниот голем чекор напред – новиот веб сајт www.formanova.com.mk, кој денес претставува најусовршена онлајн платформа за купување мебел во Македонија. Веќе една година, нашите клиенти уживаат во сигурно, брзо и едноставно купување од домот, со целосен увид во производите, акции и најновите колекции.
Останете со нас – Форма Нова постојано се труди да биде блиску до твојот дом.
Во нашите салони се раѓаат трендовите, а како најнова етапа во развојот на брендот, архитектите на Форма Нова се тука да ви помогнат професионално да го обликувате просторот по ваша мера и да го доведете вашиот дом до совршенство.
17 години Форма Нова – заедно го создаваме домот на иднината.
